أدوات و مواقع تهم اي حد شغال في مجال ألتسويق الإلكتروني

لوكان مجال شغلك هو التسويق الإلكتروني يبقي المقال ده أكيد يهمك

في كل مراحل عملية التسويق بتحتاج مجموعة من الادوات اللي من خلالها تقدر تدير حملاتك الاعلانية وتطبيق خطتك علي ارض واقع بالاضافة لمتابعة النتائج والتحليلات وبالتالي تسهيل عملية إتخاذ القرارات ,الكثير من الادوات دي بتكون غير مجانية لكن في

المقال ده هنتكلم عن بعض الخدمات المجانية داخل الادوات دي واللي تقدر تساعدك في  متابعة شغلك وتوفير الكثير من الوقت

• Social Media Tools

#1:Buufer

Buffer هو واحد من الادوات اللي بتوفرلك إدارات كل حسابات السوشيال ميديا  Facebook,Instgram,Linkedin,twitter من مكان واحد تقدر من خلال الموقع أو الابلكيشن الخاص ب Buufer انك تعمل scheduling أو جدولة للبوستات أو التدوينات بتاعتك وتتابع التحليلات الخاصة بيها وتتفاعل مع جمهورك وكمان تقدر تضيف عليه الفريق الخاص بيك اللي شغال علي نفس الحسابات..

# 2 Hootsuite

Hootsuite شبيه ل Buffer من حيث الخدمات والادارة وجدولة المنشورات علي حسابات السوشيال ميديا المختلفة ولكن النسخة المجانية مقيدة حيث لا تستطيع إدارة اكثر من ثلاثة حسابات من مواقع التواصل ولا تسطيع جدولة أكثر من ثلاثين منشور بالاضافة ان تحليل النتائج يعطيك نظرة محدودة عكس حساب Hootsuite المدفوع واللي بيتميز باسعار مختلفة علي حسب الحاجة

#3:Everypost

لديه العديد من خط الاسعار التي تتناسب مع حجم وطبيعة العمل اما بخصوص الخدمات المجانية فهي تشمل حساب واحد لكل منصة بمعني انه يمكنك من متابعة حساب واحد فيسبوك وحساب واحد تويتر الخ

وجدولة عشرة منشورات فقط

• Design Tools

في بعض الاوقات لضيق الوقت بتحتاج تعمل تصميمات بسيطة لشغلك هتلاقي هنا بعض الادوات اللي مش محتاجة خبرة سابقة في شغل الجرافيك

#1:canva

canva من المفضلين عندي لسهولة وسرعة إستخدامه بيعتمد علي ال Drag And Drop بمعني سحب الصورة ووضعها داخل التصميم والكتابة بكل سهولة 

#2: Gravit

gravit بيقدم مجموعة متكاملة لتصميم اللوجو والايكونات والعروض التقديمية موقع يستحق التجربة

#3:Adobe Spark

مين ميعرفش شركة Adobe العملاقة اللي بتقدملنا مجموعة كبيرة من البرامج الخاصة بالجرافيك

Adobe spark واحد من الخدمات دي اللي تقدر من خلاله تصمم جرافيك للسوشيال ميديا وللمواقع فيديوهات قصيرة كمان

• #E-mail marketing Tools

لو كنت فاكر أن التسويق عبر الايميل او البريد الالكتروني انتهي تبقي غلطان مازالت حملات التسويق عبر البريد الالكتروني لها تاثير كبير في مجال التسويق وبالتالي بقي في أدوات ممكن توفرلك المساعدة وتقدر من خلالها تدير الحملات التسويقية بشكل فعال وسريع

free digital marketing tools

#1: Mailchimp 

واحد من أهم الادوات المساعدة في التسويق عبر البريد الالكتروني من خلاله تقدر تنظم مجموعات للمرسل اليهم و إرسال رسائل محددة في التوقيتات المختلفة التي تحددها بالاضافة ان Mailchimp هيوفرلك تقارير تقدر من خلالها تعرف عدد الاشخاص المهتمين بفتح رسائلك ومهو أفضل توقيت للارسال و بالتالي التحسين في الاعداد للحملات المستقبلية 

#2:SendinBlue Email

تستطيع من خلاله  ارسال 300 رسالة بريد الكتروني مجانا كل يوم

• SEO Tools

#1: Google Analytics 

هي الخدمة التي لا غناء عنه المقدمة من جوجل منذ عام 2005 و اللي بتوفرلك انك تتابع كل مايخص موقعك الالكتروني  او التطبيق الخاص بيك مع توفير تقارير كاملة ودقيقة للمتابعة بالاضافة الي ربط خدمات اخري من جوجل بها مثل جوجل ادسنس وأعلانات جوجل.

#2 : Google Search Console

هي ايضا خدمة مقدمة من جوجل لمديرين المواقع ,يمكن من خلالها متابعة ترافيك الموقع وترتيبه في جوجل و أرشفة المواضيع في محرك البحث .

#3 : Ahrefs Backlink Tool

من خلاله تقدر تعرف اعلي 100 رابط خلفي في موقعك بشكل مجاني بالاضافة الي تحليل مواقع المنافسين وبحث الكلمات المفتاحية 

بالتاكيد القائمة تطول وفي الكثير من الادوات و المواقع اللي بتوفر العديد من الخدمات المفيدة ,شاركنا بافضل الادوات اللي بتستخدمها وايه هي مميزاتها في التعليقات