إزاي أبداء في مجال الديجتال ماركيتنج؟

إزاي أبداء في مجال الديجتال ماركيتنج؟ عايز اشتغل في السوشيال ميديا اعمل ايه ؟ اقرأ كتب ايه في التسويق ؟ 

الأسئلة دي وزيها كتير بنسمعها كتير  رغم اختلاف صيغة السؤال إلا إن الاستفسار واحد دئما ابدأ منين ؟؟ الحقيقة أن المشكلة اللي بتواجه أي حد مهتم بالمجال و عايز يعرف عنه اكتر هو تنوع الآراء 
واختلافها في كيفية البداية رغم وجود مصادر كتير جدا للمجال سواء كتب أو عبر الكورسات الاونلاين المجانية أوالمدفوعة مازال الكثير من الناس بيسألو نفس السؤال وده لان ناس كتير مش بتحاول تدور بنفسها ومش بتحاول تبذل مجهود اكبر في البحث و في الأخر بتلاقي المحصلة انك محتفظ بروابط مواقع و اسامي كتب  كتير جدا مش بتفتحها و بتأجل انك تدخل المجال و ترجع تسال تاني  بعد فترة نفس السؤال أبداء أزاي وده بسبب أن مفيش خطة واضحة و معرفه عامة عن المجال بالتالي هيكون البحث في المصادر عشوائي و غير مرتب طب و الحل ؟ الحل أن مفيش طريقة واحدة للتعليم تناسب كل الناس  لان كلنا عندنا فروق فردية لكن ممكن نحط مجموعة من الخطوات تحط بها قدمك علي اول الطريق أو تساعدك في وضع خطتك الخاصة للدراسة 
:وهنلخصها في الأتي

 أولا لازم تعرف إن مجال التسويق الإلكتروني هو احد المجالات اللي بتتطور بسرعة كبيرة جدا جدا و كل يوم فيه جديد فبابتالي أنت مش محتاج تذاكر و تطبق فقط لا أنت كمان محتاج تتابع الجديد طول الوقت و تكون مطلع علي كل ما يقدم في المجال الحاجة التانية لازم تقرا عن التسويق بشكل عام لان التسويق علم
له أصول و قواعد و مصطلحات أكيد غير منطقي انك تدخل مجال دون القراءة عنه و تعرف أدواته و أهميته و صلاحياته
 ثالثا بقي دي نقطة مهمة جدا لان قابلت ناس كتير عندها فهم خطئ ليها لازم نفهم أن السوشيال ميديا دي جزء من التسويق الإلكتروني و التسويق الإلكتروني جزء من التسويق بشكل عام زي ما قلنا في النقطة اللي فاتت ده علم ليه و طرقه لكن للأسف ناس كتير اختصرت التسويق الإلكتروني في انه سوشيال ميديا ماركتينج و اختصرت السوشيال ميديا في الفيسبوك رابعا بعد ما تعرف بشكل عام ايه هو التسويق الإلكتروني تقدر تبدأ بقي في فروعه المختلفة اقرأ برضه بشكل عام عن كل فروعه وأدواته و ايه المنصات اللي بيستخدم فيها و الفرق بينهم خامسا متنساش تكتب ديما النقاط الرئيسية والمصطلحات اللي بتقابلك لان هي دي اللغة اللي هتتكلم بيها بعد كدا طول الفترة اللي انت بتتعلم فيها وهتكمل معاك طبعا في شغلك في المستقبل

في مقالنا الجاي هنتكلم اكتر عن ايه هو التسويق الإلكتروني وفروعه و كمان مصادر تخليك مطلع ديما عن التحديثات لو عندك أسئلة ممكن تكتبها في كومنت ويسعدني الرد عليها