التسويق الابداعي و Guerrilla Marketing

في سنة 1984 كان أول مرة نسمع فيها عن مصطلح  Guerrilla Marketing او "جوريلا ماركتنج" من خلال كتاب يحمل نفس الاسم بواسطة جي كونراد ليفينسون -Jay Conrad Levinson

قبل ما نتعرف علي  اكتر علي النوع ده من التسويق الابداعي تعالي نروح رحلة تاريخية سريعة كده علشان نعرف الاسم جه منين 

الاول كلمة Guerra هي كلمة اسبانية بمعني الحرب اما Guerrilla هي كلمة اسبانية بمعني الحرب الصغيرة و دي بالطبع تختلف عن كلمة  Gorilla الانجليزية اللي هي المتعارف عليه (حيوان الغوريلا) 

ظهر مصطلح Guerrilla Warfare  أو حرب العصابات عام خلال حرب الاستقلال الاسبانية واللي تحالفت فيها اسبانيا و البرتغال لصد الجيوش الفرنسية في محاولتها للاستيلاء علي شبه الجزيرة الايبيرية (شبه جزيرة الاندلس سابقا) واعتمدت حرب العصابات علي استراتجيات خاصة فهي مكونة من مجموعات صغيرة باسلحة متنوعة و طرق غير تقليدية في الحرب تعتمد علي الكمائن و المباغتة مع تجنب الالاتحام المباشر يعني ببساطة سياسة اضرب و اجري وحقق هدف سريع

نرجع بقي للتسويق زي ما قلنا ان الكاتب سنة 1984 اتكلم عن استخدام المصطلح ده كوصف لنوع من انواع التسويق الابتكاري اللي ممكن تستخدمه

•  الشركات الصغيرة علشان تقدر توصل لاكبر عدد ممكن من المستهلكين 
• لاحاجة الي ميزانية كبيرة من خلال فكرة مبتكرة وشريحة محددة من الجمهور في نطاق محدد ومحاولة ترك اكبر تاثير 
• عادة هذا النوع يظل في ذهن المستهلك لمدو طويلة و يبني نوع من الولاء تجاه المنتج او الشركة 
• هي مختلفة عن الطرق التقليدية التي قد تكون غير ملفتة او مملة في بعض الاحيان
• لايقتصر تنفيذها علي قناة تسويقية محددة او معتادة قد تكون في المواصلات العامة او اماكن تجمعات او في الشارع بالتفاعل المباشر مع الجهور الذي يصبح جزء من العملية 

الحقيقة ان ال Guerrilla Marketing كا احد انواع التسويق الابتكاري مقتصرتش علي الشركات الصغيرة . حتي العلامات التجارية الكبيرة استخدمتها نظرا للنجاح الكبير اللي حققته وقوة تاثيرها

تجارب العلامات التجارية العالمية

اكيد كلنا عارفين شركة كوكاكولا اللي كل فترة و التانية بتعمل اعلان فيه تفاعل مع الناس في الشارع او في احد اماكن التجمعات

و يمكن من اشهر حملاتها مجموعة من الاعلانات تحت اسم                             Coca Cola Happiness

وكان من انجح الاعلانات ليهم اعلان بعنوان coca cola happiness Machine 

ايضا شركة SNCF وهي شركة السكة الحديد الفرنسية لها تجربة جيدة جدا في النوع ده من الاعلانات و الناس اتفاعلت معه بشكل جيد جدا

وكانت حملتهم بعنوان Europe It's Just Next Door

بالتاكيد الموضوع موقفش هنا التطور السريع جدا في التكنولوجي و عالم الانترنت بيقول ان مفيش نهاية للابداع ده في النوع ده من الاعلانات علي سبيل المثال استخدام تقنيات الواقع الافتراضي اللي بقت متاحة اخر كام سنة تم استخدمها في النوع ده من الاعلانات اللي بتكون ممتعة للعاملين في مجال التسويق و طبعا للمستهلكين
متنسوش تنضموا  لجروبنا علي الفيسبوك للمناقشة و الاجابة علي تساؤلاتكم الخاصة بالمجال ...