أنواع الاعلانات علي جوجل أدوردز

كنا اتكلمنا قبل كدا عن اهمية التسويق عبر منصة جوجل في مقال سابق ممكن ترجعله من هنا
 لماذا التسويق علي جوجل

و في مقال سابق كنا اتكلمنا عن ازاي محركات البحث بتشتغل ممكن ترجع للمقالة من هنا
 التسويق عبر محركات البحث

  

  في مقالنا النهارده هنتعرف اكتر علي انواع الاعلانات المختلفة علي جوجل ادوردز  

في البداية محتاجين نفرق بين اعلانات جوجل و الاعلانات علي السوشيال ميديا  بشكل مختصر 

الاعلانات علي السوشيال ميديا بتظهر للعميل المهتم عن طريق الاستهداف بالسن و النوع و الاهتمامات الخ

الاعلانات علي جوجل ادوردز متنوعة اكتر فيها نفس الاستهدفات لكن في ميزة مهمة جدا ان الاعلان بيظهر للعميل في اكتر من مكان سؤاء العميل ده مهتم لكن لسه مخدش قرار بطلب الخدمة او شراء المنتج او لعميل في احتياج لخدمة أو منتج و بالفعل قرر انه  ياخد قرارا الشراء وبدء بالفعل انه يدور علي الانترنت علي حد يقدر يساعده ف تلبية الاحتياج ده

وده لان جوجل بتقدم انواع مختلفة من طرق الاعلان زي ما قلنا في البداية ده ياخدنا لنتعرف اكتر عن انواع الاعلانات و ميزة كلا  منها

1- الاعلان علي شبكة البحث (المقصود به محرك بحث جوجل )

من المعروف انه لما بنقوم بالبحث في موقع جوجل عن كلمة او موضوع او منتج بيظهر ملايين النتائج في عدة صفحات لمواقع مختلفة متعلقة بكلمة البحث اللي تم ادخلها والكلمة دي بنسميها كلمة مفتاحية او Keyword (هنستخدم المصطلح ده كتير) النتائج بتكون مرتبة علي حسب معايير خاصة بجوجل بتكون الافضلية فيها علي حسب ملائمة الموقع لكلمة البحث و طبعا هنا بتظهر اهمية  Search Engine Optimization (SEO) تحسين محركات البحث او المصطلح اللي اكيد سمعت عنه كتير قبل كدا 

لكن عن طريق الاعلان بواسطة شبكة البحث يظهر اعلانك في او ثلاث او اربع نتائج بالصفحة 

وبالتالي تكون فرصتك كبيرة في الاستفادة من الترتيب ده عندما يقوم احد بالبحث عن منتج او خدمة بتقدمها

2- الشبكة الاعلانية Google Display :

من خلال مجموعة شركاء جوجل اللي بتمثل اكثر من 2 مليون موقع مختلف رياضية و اخبارية و ترفيهية بالضافة لتطبيقات الهواتف  بتظهر فيهم اعلاناتك لزوار المواقع و طبعا بتستهدف علس حسب الاهتمامات ايضا و في الكثير من ادوات الاستهداف اللي بتضمنلك نتائج جيدة

3- الفيديو :

بالطبع الفيدو هو احد اهم انواع المحتوي التسويقي ,من خلال جوجل أدوردز تقدر تنشر اعلانك من خلال العديد من المواقع من شركاء جوجل و علي تطبيقات الهواتف المختلفة حيث يظهر اعلانك في بداية او منتصف الفيديو او في الصفحة الرئيسية لموقع يوتيوب وكمان يتصدر النتائج الاولي عند البحث في يويتوب 
4- إعلانات التطبيقات 
هل لديك تطبيق للموبيل و تريد له مزيد من المستخدمين ؟من خلال اعلانات جوجل تقدر تحقق الهدف بسهولة وسيظهر اعلانك علي كل الخدمات المقدمة بواسطة جوجل بما فيهم Google Play Store او المتجر الخاص بالتطبيقات المقدم من جوجل 
في المقال القادم سنتعرف اكثر علي كيفية إنشاء الحملات الاعلانية المختلفة علي منصة إعلانات جوجل